كثر ما ترددت، كثر ما ابي اتكلم عن تجربتي الشخصية مع ADHD ( اضطراب نقص الانتباه مع فرط النشاط ) - إيماناً بأن الشي مو نقص ولا عيب.. مجرد شي انولدت عليه.

أول شي لازم اذكره ان دراسة في 2008 حصلت ان 16% من مدرسة بحرينية فيهم عوامل الإضطراب - 12% في السعودية و 4% في المانيا.

شخصياً، اتوقع ان الإضطراب منتشر بصورة كبيرة، بس اتوقع ان معظم اللي يعانون منه مايعرفون العوامل او مايعرفون إنه اضطراب ممكن يتعالجون منه ومعظم الناس يعيشون حياتهم بدون علاج. حالات كبيرة جداً توصل الى عمر متأخر قبل مايكتشفونه او مايكتشفونه ابداً.

اول شي احب اذكره قبل ما اذكر تجربتي، لاتصدقون اللي تجوفونه في الأفلام ! الـ OCD كمثال مو شخص يحب الترتيب ويحب يكون كلشي نظيف فقط. خلنا نوقف الصورة الرومانسية عن الإضطرابات لأنها تساعد في نشر معلومات غير دقيقة.

الـ ADHD مو لازم يكون حركي ، مو لازم يكون عنده صعوبات في التعلم!

عن الـ ADHD

معظم الناس اللي يجي في بالهم، يتصورون شخص حركي، شخص متهور وشخص اجتماعي. هذا تصوير الميديا.

في الحقيقة.. في أكثر من نوع من هالإضطراب، وكل شخص يعاني من عوامل مختلفة عن الآخر .. وهذا اللي يخليه تقريباً صعب الإكتشاف.

( عني، الـ ADHD-I اكثر شي اقدر اقول انه يمثلني ) https://t.co/JhG5T5Zmqw

بالنسبة لي اكتشفته في عمر متأخر، وماكنت اعرف تأثيره إلا بعد ماعرفت عنه أكثر.. انا مو شخص حركي، على العكس تماماً.

Anxiety was a coping mechanism for me.

كمثال، الـ ADHD معروف انهم يتأخرون في المواعيد، بالنسبة لي العكس تماماً ، اوصل دائماً قبل الوقت بكثير .. المطار؟ 3 ساعات قبل!