هذا الثريد للنساء فقط : ✋

1- متهزريش لحد ما تفقدي هيبتك .. أيوه متستغربيش الست لازم يكون ليها هيبة مش أي حد يتجرأ على الهزار معاها .. ولا كل أشكال الهزار تقبله .. وعلى فكرة ده لازم يكون وسط الجنسين مش علشان انتي في قعدة ستات يبقى مافيش حدود .. https://t.co/SadJzu0MwN

2- متتكلميش لحد ما اللي قدامك يصدع من تفاصيل كلامك ويشوفها مملة .. خلي كلامك محدد وعزيز زي فاكهة موسمية تروح لها النفس لما تغيب .. ابتعدي عن اللك الغير هادف وخلي كلامك مختصر وفي شكل نقاط مركزة ..

3- مش عيب انك متعرفيش حاجات كتير مش مطلوب منك تكوني بنك معلومات .. بس لو اتكلمتي لازم تعرفي الكافي عن الموضوع اللي بتتكلمي فيه .. مش عيب تقولي معرفش .. بس العيب انك تباني ساذجة ..

4- متحشريش نفسك في تفاصيل حياة غيرك .. سيبي الحرية للي قدامك انه يقولك اللي هو أو هي عاوزين يقولوه عن نفسهم .. كتير من الأسئلة زي عندك اولاد أو انتي مخطوبة أو بتشتغل ايه اللي تبدو ليكي عادية ممكن تبدو إجاباتها محرجة لغيرك ..

5- متنسيش طريقة جلوسك هي ثلث مظهرك .. مش لازم تتعوجي في قعدتك بس دايما خدي بالك من شكلها وعلى فكرة أقل الجلسات رقة هي اللي بتحطي فيها رجل على رجل .. شوفي حاجة تانية أكثر نعومة واناقة خصوصا وسط اصحابك ..