يشتري دور وشقتين بأقتطاع ٦٥ عشان يستثمر ويدخل عليه ٢٠ او ٣٠ الف سنويا عشان يصرفها في اسبوع غير تكاليف التجديد بعدين يقول عشان يسكنون فيها اذا كبروا عيالي وتزوجوا وتجي بنت الناس تشرط سكن مستقل!
مو لو اخذ وحده على قده باقتطاع اقل من البدايه وعاش مرتاح احسن؟
لاتستعجل خلني اكمل ?
لاعمرك تجمع بين حاجتك للسكن والاستثمار في قرار واحد !
سكنك يلبي حاجتك ?
استثمارك هو تنمية الفائض أو المدخر من مالك ☝?
وهذا من منطق لاتضع البيض في سلة واحده ..يعني من وجهة نظري استثمر بقرض منفصل في وحدة مختلفة في حي او منطقه اخرى اذا ربي يسر لك افضل من تورطك من البداية ?
وعشان تتخذ قرار صح فكر في حاجتك انت وأسرتك (اليوم) مايعني اقولك لاتأمن مستقبل اولادك ! .. لا انت مسؤوليتك توفير السكن لهم في حياتك وبعد عمر طويل لكن سكنهم بيكون مسؤوليتهم لاتتخذ عنهم قرار في هذا الوقت
ولتأمين مستقبل الاولاد له اوجه كثير في صناديق الاستثمار الآمنه مثلا!! ??
او حتى حسابات إدخارية انت تتحكم فيها مو اقتطاع عالي في وحده انت ماتعرف مستقبلًا بيسكنونها أو لا أو بتتاجر او لا او حتى بيهتمون فيها او لا ..
فهمت المبدأ؟ طيب خليني احكي عن نفس البيت ?
انت شراءك للعقار الاستثماري يعني انك متنازل عن المساحة صح؟
خل نقول راتبك ١٥ واقتطاع هذا البيت الاستثماري ٩٧٥٠ في النهايه انت واهلك في دور من ٤ غرف بالكثير اتفقنا؟
ليه ماتشتري من الاساس وحده صغيره من ٤ غرف باقتطاع ٤ الاف ريال !! لاتقول عشان اكون مستقل لانك حتى بيتك بتتشاركه ??
