? محمد عبد المنعم في دفاع العرضيات

قبل النهائي حابين نشرح نقطة محورية في أداء عبد المنعم؛ محمد مدافع ممتاز في "الدفاع الفردي" أو الدفاع "بمرجعية الخصم" ودا معناه إن محمد دايماً بيحتاج يراقب حد عشان يستقيم أداءه..

https://t.co/TFptB64KFb

هو بيبرز جداً في السياق دا، بسبب تميزه في عدد من المبادئ الدفاعية زي؛ الرقابة والافتكاك والاستباق والإعتراض، ودا نقدر نشوفه بوضوح في دفاع العرضيات؛ في الوضعية دي ضد "أبو بكار" محمد كان بيدافع ضد عرضية من الجهة المقابلة، ودا معناه إنه في الحالة دي المدافع التاني..

بمجرد وصول الكرة للطرف وبقى في احتمالية عرضية، اول حاجة محمد عملها هي إنه بدأ يتراجع ابتداءً بشكل استباقي عشان يوفر العمق اللازم لتوازن خط الدفاع، ومن ثم محمد طبق مفهومين في منتهى الأهمية عشان يقدر يتعامل مع الموقف بشكل مثالي؛ https://t.co/pGSPau3rg5

1- مسار التراجع الي خده عبد المنعم استباقاً قدر يضيق بيه المساحة بينه وبين عمر كمال، بحيث يوجّه المهاجم للتحرك في إتجاه واحد بس = قدامه مش وراه https://t.co/FQVe1ZNYvD

2- محمد عدّل وضعية جسمه وخلى وشه للمهاجم عشان ميبقاش في ضهره وبكدا هو قادر يحافظ على أهم مرجعيتين في دفاع العرضيات؛ الكرة والخصم. بالشكل دا بقى قادر يتابع الإتنين في نفس الوقت وبالتالي من الصعب جداً على الخصم إنه يهرب من الرقابة