لما ناقشت بعض الاشخاص بخصوص من يسمونهم باللاجئين لقيت ان فيه سوء فهم واسع وعشان كده توصلنا لتوافق فى بعض النقط

1- مينفعش انك تعتبر واحد فاتح مطعم مثلا او ورشة ملابس ، او شركة ما ، انه لاجىء !! ده مستثمر ، ايا يكن حجم رأس ماله ، فهو اسمه مستثمر ويتعامل معاملة المستثمر?

يعنى بياخد تسهيلات الاستثمار عادى ولو خالف القانون بيتحاسب عادى ،وموضوع يتحاسب ده مرتبط بالقانون برضه ،يعنى مبيترحلش ولا حاجه ،إنما حسب القانون بيقول ايه !! مش بمزاجنا واحنا على القهوه نقول المفروض يترحل !

2-برضه مينفعش واحد يكون ورقه الرسمى مكتوب فيه دراسه وتقول عليه لاجىء!?٢

ولا واحد مكتوب له زيارة اقارب ، وتقول لاجىء ، مينفعش واحد بيشتغل وله مهنه معروفه ، ومرتب ،وبيتخصم منه ضرايب و تأمينات مثلا وتقول عليه لاجىء !

3-اللاجىء دى كلمة بتتقال على فئه محدوده جدا ، عادة ملوش عمل ثابت ظروفه الماديه ممكن تكون صعبه فعلا ، وغالبا بياخد معونات من جهات مانحه?٣

4-ممكن طبعا يحصل تلاعب ، يعنى واحد يعمل ورق دراسه ، وهو مبيدرسش ، ده مجرد غطاء ، بس صعب تلغيها ، اصل هتثبت ازاى انه فعلا مبيدرسش ؟ انما انا هطالب معاك ان مفيش تخفيضات دراسيه تتقدم وده كفيل انه يخلى الحل ده غالى وغير مجدى !! يعنى لو عاوز يتلاعب فده هيبقى حل مكلف بالنسبه له?٤

وان اى شخص اجنبى ، يتعامل معاملة الاجنبى فعلا ، مفيش حاجه اسمها مساواه بالمواطن او حتى تقديم تسهيلات وتخفيضات له ، فعلا دى مش مسئوليه المواطن انه يتحمل ده ، ومن حقه يرفض من حكومته انها تعمل ده ?٥