#RIPALAhlymartyr

ابني الحيلة و اخرة صبري .. كان بيحب العيش و المش

كل طموحه جزمة كاوتش .. وناخد الدوري

اهو معلش ،

مش هيعز على اللي اختاره .. و اهو راح دار احسن من داره

كان بيحب تريكة وبيبو .. و شايل اوي من اللي اسمه الحضري

هو الأهلي في حد يسيبه ؟

عيل فقري يلا بسيطة https://t.co/zaDewePisM

و انا طول عمري بفوّض أمري ..

كان بيحب يعشي صحابه ..

كبدة وكشري ..

أقرع نُزَهي في عز شبابه ..

اول مرة يروّح بدري ..

راح على الجنة و فاتلي عذابه ..

كان بيحب البت الواطية بنت مغاوري ..

و انا من خيبتى وقفت قُباله ..

يرجع بس و اجوزهاله ..

و امسك فيه بايدى و ضوافري ..

و اخدم في مراته و في عياله ..

و النبي فكرة ..

حد مسجل ماتش المصري ؟ ..

لا يكون شاور للكاميرا ..

هو حليوة اسم الله و خِمَري ..

و لابس جينز و فانلة كورة من الحمـــرا..

الشِعر الذي كتبته أم الشهيد "مصطفي عصام" بعد وفاته في مجزرة بورسعيد .