مرة أحمد مظهر طلع في برنامج و كان بيجاوب على أسئلة المذيعة عن أفلامه وأدواره .. وكل ما تيجى سيرة ممثلة زي فاتن حمامة في فيلم (دعاء الكروان) مثلا يقول: (الست) فاتن كانت مهولة .. ويستفيض بكلام موزون عند جواهرجي عن إحترافيتها وأخلاقها وموهبتها ..١) يتبع ? https://t.co/88aB3CQ1hC

تيجي سيرة فيلم (لوعة الحب) فيتكلم عن (الست) شادية .. وقد إيه مش هيجي زيها تاني

تيجي سيرة فيلم ( أيام الحب ) فيتكلم عن حضور (الست) نادية لطفي ..

لحد ما استوقفته المذيعة و قالت له:

هو حضرتك يا أستاذ أحمد ليه بتقول على كل زميلة قبل إسمها لقب ( ست ) ...٢) تابع ?

رد عليها و هو مستغرب السؤال وقال: لإنهم ستات .. ستات بجد، وده أقل وصف يتنادوا بيه يا بنتي .. ده مافيش أعظم من اللقب ده يتوج معنى وجودها .. (المذيعة فاتحة بُقها بقى و مش مستوعبة .. وهي غالباً بتتحدف كل يوم الصبح من البلكونة علشان الملح فى البيض ناقص على الفطار)

٣) يتبع?

أحمد مظهر: أقل حاجة عملناها واتفقنا عليها كلنا كرجالة فى وقتنا .. إننا إتفقنا إن أسامينا تتكتب ورا أساميهم

كلنا كلنا .. رشدى وكمال وعمر وانا .. لم نجرؤ نطلب أسامينا تتكتب قبلهم .. ربنا لما خلق الست خلقها تاج .. إنتي عمرك شفتي بلد إسمها مُذكر ؟ ٤) يتبع ?

؟ (المذيعة غالباً كانت بتفكر تطلب الطلاق) - الله يا أستاذ على كلام حضرتك طب نفسى .. أسأل حضرتك سؤال، هو إيه اللي حصل و غيرنا كده؟

هو : لأ ما اعرفش يا بنتي .. أنا صحيت في يوم لقيت الهواء وحش، وبطلت أشم ريحة الورد فى الجنينة

ولقيت الناس ما بتضحكش في وش بعض ٥) يتبع ? ..