بمناسبة المظاهرات اللي في أمريكا ومشاكلها مع الكورونا وغيره، فيه أصدقاء خدتهم الحماسة وبدأوا يتكلموا إن أمريكا خلاص بتنهار وكلها شهور والعالم يبقى فاضي وكبير جديد يطلع يهيمن، وطبعاً كل الأصدقاء عدا واحداً قالوا الصين هي الكبير، والواحد قال روسيا.. مجموعة من النقاط السريعة جداً:
١. أمريكا هي الدولة الوحيدة في العالم اللي لو حصل فيها حرب أهلية بين ولايات الشمال وولايات الجنوب زي اللي حصلت كدة في القرن التاسع عشر، حتفضل أجندتها الخارجية وانتشارها العسكري في العالم شغال عادي!
الكورونا لو خدت ربع سكان أمريكا مثلا، يعني ملايين، تفضل برضه المهيمنة على العالم!
٢. الموارد المتوفرة لأمريكا واللي مكنتها من تراكم القوة العسكرية بشكل لم يسبق أن يحدث من قبل مع أي امبراطورية أخرى في التاريخ، يخللي أمريكا هي القوة العسكرية الأولى وبينها وبين القوة الثانية أشواط وأشواط.
دة هو عالم ما بعد انتهاء الحرب الباردة واللي حيستمر معانا لعدة عقود قادمة.
٣. الصين هي امتداد أمريكا. يعني الصين غنية لأنه أكبر دولة في العالم تملك سندات الخزانة الأمريكية وأكبر دولة في العالم تملك احتياطي دولاري بتشتري بيه كل الموارد اللي هي محتاجاها علشان تصنع سلع يروح أغلبها للسوق الأمريكي. وأمريكا هي الدولة الأكثر مديونية في العالم لكن عمرها ما تفلس
٤. أمريكا عمرها ما تفلس لأنها الدولة الوحيدة في العالم اللي عملتها ليس لها غطاء نقدي وإنما غطاء الدولار هو كل التعاملات التجارية بما فيها شراء النفط اللي بتتم بالدولار الأمريكي. والدولار بالنسبة لأمريكا ورق وبتطبع منه عملة أو سندات خزانة والعالم يشتري.
