طيب...
ياريت نبقى هدينا بقى شوية
صلوا على النبي كده ووحدة ووحدة
ازاي يا جدع بتقول عمل ملحمة وخسر ٤ ؟
المقصود ايه بس عشان انت لو كده كده باصص على النتيجة يبقى شكرا خلاص
المقصود كالتالي...١
١- لما تقعد ٣٠ دقيقة تقريبا ٢-١ قدام ريال مدريد وانت بتهاجم وبتحاول ووصلت اكتر من مرة وضيعت فرص واضحة.. يبقى برافو طبعا...٢
٢- لما تستقبل هدف بخطأ "تفاصيل صغيرة" في الدقيقة ٤٢ وهدف تاني في الشوط الثاني وترجع في النتيجة وتفضل قريب من التعادل.. يبقى برافو طبعا..٣
٣- لما تبقى محاولات ريال مدريد ١٩ وانت ١٥ منهم ٥ على المرمى.. يبقى انت كنت ند وحاولت بس الكواليتي بتاعك فرق في "التفاصيل الصغيرة"...٤
٤- لما تتفوق على ريال مدريد في الصراعات الارضية "٥٣-٥٢" وتخلي واحد زي فينيسيوس يوصل لدقة تمرير ٦٥٪ .. ومحمد هاني يعمل ماتش عمره وتستغل الجبهة اليمنى بالشكل ده يبقى برافو...٥
