#قصتيمعالقرآن
ثريد طويل بس تحملوني
ربما حان وقت نشر أحد فصول القصة
يمكن ناس تحكي القصة كذب ومش حقيقية لكنها صارت وبيقدروا ناس يأكدوا الكلام
بذكر القصة من باب الأُنس بالله وإنه الواحد ما يعجز أو يدب في نفسه اليأس
بداية القصة كانت لما كنت في مرحلة التوجيهي وقتها والدي حكالي بصريح العبارة "لو ما جبت معدل يخليك توخذ منحة ما راح أقدر أدرسك"
كنت في سنة التوجيهي ملتزم مع أحد المشايخ بسند غيبي للقرآن الكريم وما انقطعت حتى في عز الدراسة ولله الفضل والمنة جبت معدل أعطاني منحة تبادل ثقافي "هندسة بترول في جامعة حضرموت في اليمن"
للأسف بعد سنة من الدراسة قامت الثورة والحرب في اليمن واضطريت أرجع على الأردن
وترتب على عودتي إني فقدت المنحة والقبولات في الجامعات موقفة
تائه ما بعرف شو بدي أعمل واضطريت أشتغل عامل تحميل وتنزيل في سوبر ماركت
والدتي الفاضلة ما هان عليها إني تركت الدراسة ولفت كل جامعات المملكة بلا مبالغة لحتى أخذت موافقة من رئيس جامعة العلوم والتكنولوجيا على قبولي في تخصص الهندسة الميكانيكية على نظام الموازي
الرسوم كانت غالية اضطرت والدتي للتداين ودبرتلي رسوم الفصل الأول
