- تطبيق Urpay

• فريق التسويق حسبها صح وسوى ضجة اعلانية مقابل حصول العميل على ١٠ ريال فقط لأنهم يعرفون ان تكلفة تحميل التطبيق في الاعلانات الممولة توصل ل ١٢ ريال ( ممكن تكون أقل أو أكثر )

طيب هل التطبيق بيخسر اذا اعطى كل عميل 10 ريال ؟

الجواب طبعاً لا .. لان البيانات اللي عندهم الآن كم بتكلف ؟

ولا تنسى ان العميل عندهم اذا تعامل معهم بيطلعون منه ذهب الهللات اللي ياخذونها مني ومنك تراها ملايين مع الاعداد الكبيرة

الربح الحقيقي من تطبيقات البنوك هي البيانات الرقمية اللي تسوى ملايين الملايين

من خلال التطبيق البنك يقدر يعرف وش اكثر سلعة يشترونها الناس وكم سعرها ومن اللي يشتريها وفي اي مدينة وتوقيت الشراء

هذي البيانات هي اللي خلت جيف بيزوس مالك امازون فاحش الثراء في فترة بسيطة

في امازون يراقبون المنتجات الدارجة

اذا لاحظوا ان فيه منتج مولع حريقة في المبيعات يروحون يطلبون كميات كبيرة منه من الصين ويضربون التاجر بنص السعر لان التكلفة عليهم بتطلع ولا شي بسبب الكميات الكبيرة

كذا صار ملياردير جيف بيزوس

طبعاً اذا انت تبيع منتج انت اللي تسويه لو تبيعه في اي مكان ما عليك خوف طالما انت اللي تنتجه مثلا العطور والمشغولات اليديوية .. الخ