مساء الخير.
ولو إنتوا مش متابعين أخبار الكوكب هاتوا كوباية الشاي وتعالوا ناخد لفة ف الكوكب
ومطولش عليكوا وقولولي طول
♦️ إسرائيل
طلع إمبارح رئيس أركان الجيش الإسرائيلي وقال الواجب الأخلاقي يحتم علينا بان نقوم بضرب المفاعلات النووية الإيرانية وشل قدرة إيران النووية.
لا معلش ثانية واحدة...
واجب اخلاقي مين اللي بيحتم عليك يا إدلعدي!!!!
دا إنتوا قاتلين آكلين سارقين مال النبي
فبلاش العاهرة تتكلم عن الأخلاق
? كمان فكوكب إسرائيل....
جريدة اسرائيل اليوم بتقول ان زيارة بايدن للشرق الاوسط جابت نتايج عكسية على اسرائيل وقربت بين العرب وروسيا اكتر من الاول وبين روسيا وايران اكتر واكتر من الاول
وع الناحية التانية من الكوكب
♦️ أوكرانيا
زلينسكي صحي وعلى ريق النوم كدا قام عزل رئيس جهاز امن الدولة عنده والمدعي العام وعزل ٦٠ شخصية قيادية ف الدولة
مش كدا وبس وعزل ٧ سفراء
كدا مش باقي غير انه يعزل نفسه
وكلهم يخرجوا من البلد وآخر واحد يقفل الباب وراه ويدي المفتاح لبوتين
وع الناحية التانية من الكوكب....
♦️ فرنسا.....
حرائق في غابات فرنسا وإسبانيا ولا الجيش الفرنسي عارف يوقفها ولا الجيش الاسباني عارف يوقفا وربنا يستر ع الكوكب كله
