بصراحة الوضع ماشي يزداد سوء نحن من ٨ص بندخل في حالات جديدة وأغلب العيانين اعمارهم من ٤٠ سنة فما فوق والحالات تعبانين و للاسف الوضع حرج بصورة مخيفة وصورة مرعبة ومحبطة يا جماعة انتوا قادرين تتخيلو حجم المسؤولية الكلنا مختوتين فيها؟ كونك تجيب امك او ابوك وتمشي تخليه دي حاجة بالنسبة
بالنسبة ليك مؤلمة جداً و بالنسبة لينا بنكون جارين وتعبانين وواقفين ولابسين بدلة مولعة نار حالياً يشهد الله يدوب نحن حللنا صيامنا و حزنانين كل الحزن على الناس اللي ماتوا ?? وبوجعنا جداً كونه نفقد مرضى و أمهاتنا و آباءنا
بس المحزن اكتر انه الشوارع مليانة انه الاسواق شغالة انه الشباب بتجمعوا ولسة يشهد الله عدد الحالات حيوصل مليون دا لو ما وصل مراكز العزل والعزل المؤقت في المستشفيات مليانة وجزء منها على وشك يتملي و بعد يومين حنبقى زي ايطاليا و الاوكسجين يكمل عندنا
والاوكسجين دا أهم علاج للمرضى # يا جماعة نحن ما خط دفاعكم الاول انتو خط دفاع نفسكم و اهلكم الاول ? لو استمر الوضع كدا استعدوا لوداع أحبابكم و لا عذر لمن انذر
كمية السراير في المستشفيات اتملت الاوكسجين في مستشفيات كتيرة خلص الناس بعد شوية حتموت في الشوارع و في البيوت ??? ياخ خليكم في بيوتكم ياخ ما عشانا نحن عشان اهلكم ياخ
