سنة ٢٠٠٨ قرر شخص أنه يسرق واحد من أكبر البنوك في مريكا

علنًا كدا قدام الناس كلها في الشارع

المشكلة أنه نجح في دا، والمشكلة الأكبر أنه لما عمل عملته محدش قدر يعرف هو مين..

ما بين التخطيط وما بين التنفيذ، تعالوا نعرف ايه اللي حصل في ثريد النهاردة..

لايك للتويت ومستنيك تحت ? https://t.co/YTVn1YHulO

الحدوتة بتبدأ من إعلان شغل ..

من ١٦ سنة فاتت نزّل شخص اسمه انتوني كورسيو إعلان طالب فيه ٢٥ راجل لشغلانة سريعة هتتعمل في واشنطن بمقابل ٢٩ دولار تقريبا في الساعة الواحدة

الشغل كان عبارة عن أعمال تزيين مناظر طبيعية في المنطقة دي

مكان التجمع كان قدام بنك في واشنطن اسمه بنك أمريكا

الناس اللي هتيجي مطلوب منها تلبس أوتفيت كالآتي:

بنطلون جينز

تيشرت ازرق

ڤيست أصفر

حضر حوالي ٣٠ واحد كلهم لابسين الأوتفيت وجاهزين يستلموا الشغل

الناس فضلت واقفة وكله قاعد يبص حواليه بيحاولوا يشوفوا المدير أو المسئول

بس محدش عارف حاجة، كله لابس زي بعضه ومحدش فاهم في ايه

وهما واقفين جت عربية مصفحة وقفت خارج البنك

خرج منها جارد ودخل البنك على طول

وبعد شوية قام خارج منها وهو شايل شوالين كبار من الفلوس

وفجأة خرج واحد من الشباب اللي كلهم لابسين زي بعض دول وقام راشش سبراي في وش الجارد

واخد الشوالين وقام فص ملح وداب

كل الناس مكانتش فاهمة أي حاجة

البوليس جه وابتدى ياخد أقوال الشهود على الحادثة ويسأل عن مواصفات الحرامي ده عامل ازاي

ولكن كلهم كانوا بيكرروا نفس الكلام

"الحرامي كان لابس جينز، تي شيرت ازرق،ڤيست أصفر"

ودي كانت مشكلة بالنسبة للبوليس

لإن فيه اكتر من ٢٠ بني آدم واقفين جنب البنك كلهم لابسين نفس اللبس ده هو هو