هنتكلم عند درة متحف المجوهرات الملكية واهم قطعه واغلاها وأعلاها قيمة .

طبعا ماهواش اغلى قطعةملكية عموما!! ده حاجة كده صغننة فتح نفس بالنسبة لممتلكات نازلي مثلا ولا فوزية ولا صاحبة التاج نفسه الأميرة شويكار .

اللي كانت فعليا صاحبة أكبر واغلى مجموعة مجوهرات في العيلة العلوية كلها https://t.co/gUj8JKDTsq

التاج اللي كتير أشرنا أنه تمت له عملية ترميم خاطئة و تم لحام الجزء العلوي أو درة التاج من الاسفل . بالمناسبة اخدنا وعد من إدارة المتحف ببحث موضوع الترميم الخاطيء ده لإعادة التاج لسيرته الاولى #powerofsocialmedia https://t.co/ZDwrnoII8R

خلينا في التاج وشويكار نفسهم ، كتير من المهتمين بالبحث في تاريخ العيلة وتاريخ المجوهرات كانوا بيتسألوا : مين اللي قال إن ده اصلا تاج خاص بشويكار !!؟؟

الا عمرنا ما شوفنا شويكار لابساه في أي صورة ولا أي مناسبة !!؟

والمادة أن شويكار تعز المجوهرات زي عينيها ايه اللي يخليها متلبسوش!؟ https://t.co/F4inklfe7s

ده حتى في فترة الغلب والكحرتة وهي صغيرة وأخواتها حاطين ايدهم على ورثها وماكنتش لاقية اللضا بردو كانت تعز تشبرق نفسها وتلبس مجوهرات ، الا التاج العجيب ده ماوردش علينا ولا في طبق اليوم حتى !!! https://t.co/PvbWalh0Iy

ووسط كل التيجاني اللي لبستهم شويكار وليها صور بيهم مانلاقيش ابدا صورة ليها بالتاج ،بالمناسبة اسمه تاج صدفة البحر علشان مستوحى شكله منها https://t.co/zGdMhvaQTc