طيب كلام سمح...
رايك شنو نشرحوا بطرؤقة تانية، وركز ماعي في آخر الثريد...
??
الدولار، وقرارات بنك السودان، والارتفاع المخيف في العملة من وجهة نظر شخصية
اولاً، لازم نفرش للموضوع دا بطريقة منطقية وبسيطة تخلينا نفهم الموضوع بتاع السوق الموازي للعملة شغال كيف: https://t.co/lxLh7CAWNB
ببساطة شديدة، سوق العملة شبكة تجار، لغرض التبسيط نعتبرهم تاجر واحد، ونسميه "التاجر". التاجر ده عنده مخازن عملات، ولازم عشان يربح، يكون عنده في اي بلد شغال معاها (الصين، الخليج، مصر، تركيا، امريكا، واجزاء من اوروبا) عملة البلد المحلية، ودولار،
حتى هنا في السودان، عنده مخزن دولار ومخزن كم عملة كده، ومخزن سوداني، تمام؟
طيب، التاجر دا بيتعامل مع البزنس بتاعه كيف؟ بيحافظ على كل مخازنه فيها قروش، ومصدره للنقد الكاش، هو المغتربين في بلاد بره، والسودانيين البشترو منه هنا. وكل شغلته ادارة المخازن دي بحيث
??
البيزيد ينقصه، والبينقص يتمه...
تانياً، قرار بنك السودان دا مفيد كيف؟ ولو البنك التجاري سلمك القروش هنا دولار، مش حتفكها سوق اسود؟
طيب، مفيد بانه بيدي المغترب خيار تحويل آمن، ورخيص من جهته، وبيدي ناس بيته هنا نفس القيمة بتلاتة خيارات، يحتفظوا بيها عملة اجنبية فيييي بنكها،
او يفكها بسعر السوق الاسود فورا، او يدوها ليهم عملة اجنبية. وفايدة البنك التجاري ان القروش البتبيت عنده بالعملة الاجنبية بتكتر، ومبيت القروش بالنسبة للبنك شغل. واما قصة انك تفكها في السوق الموازي، ف دي بتضر السوق الموازي، لان باختصار بتزيد مخزنه بتاع الدولار هنا،
