✍️دكتور الجامعة كان بيقولنا عبدالناصر
من ديكتاتوريته كان مانع كوكاكولا وبيبسي تتباع
في مصر والوطن العربي بس ماقلناش ليه؟
لما كبرت عرفت قصة"مصر كولا"
اللي رواها وحضرها المهندس عادل الشهاوي
في رأيي هى تلخيص لفكر وسياسات وشخصية
جمال عبدالناصر
في أواخر الخمسينات قررت الشركة الامريكية https://t.co/S2C6NcYWnZ
لصناعة البيبسي كولا زيادة المبلغ السنوي مقابل(الخلطة السرية)المادة الخام للكولا وطالبت هيئة الصناعات الغذائية المصرية بدفع50 ألف دولار زيادة المبلغ ده في الوقت ده يبني مصنع ويشغل فيه أكتر من 100عامل فعبد الناصر لما عرف بالموضوع بعت لرئيس الهيئة والسكرتير وطلب شرح مفصل للموضوع كله
إزاي بيتم وبعد إنتهاء الشرح قال: المبلغ ده حرام يقتطع من جيوب المصريين ويروح جيوب الأمريكان عشان شوية مياة بسكر ! مفيش مهندسين زراعيين في مصر يحللوا المادة دي ويعملوا مشروب بديل ؟
رد سكرتير الهيئة: نقدر نصنع مشروب بديل بس محتاجين 6 شهور فقال عبد الناصر : تمام بلغ الشركة الامريكية
اننا مش هندفع المبلغ الزيادة ولا المبلغ السنوي مفيش بيبسي كولا تاني في مصر وفوراً تم تأسيس (شركة القاهرة لتعبئة الزجاجات) وبعد 6 شهور بالتمام كان في السوق المصري والعربي "مصر كولا" ومش كده وبس ومشروبات غازية أخري بطعم الليمون والبرتقال بديل للمشروبات الامريكية بعد فترة تراجع
الامريكان عن طلب الزيادة بمبلغ اقل بكتير مقابل استمرار التعاون ومصر رفضت طلبهم
القصة دي ماحصلتش مع البيبسي والكولا بس دي اتكررت في اكتر من صناعة واكتر من موقف مهم على سبيل المثال وليس الحصر لما امريكا طلبت من مصر تقليل صادرتها العالمية من الأرز لتأثيره على الأرز الامريكي
