مساء الخير....
و لو إنتوا مش واخدين بالكوا من اللي بيحصل ف الكوكب ...
فخليني اقولكوا ....
ومطولش عليكوا وقولولي طول....
♦️ روسيا....
بوتين شبح الكوكب والمنطقة ف اوروبا خلاص أعلن بداية الحرب العالمية التالتة رسميا ....
وقام هبأ على منطقة دونيتسك ولوغانسك التابعين لاوكرانيا..
وأعلن إنهم جمهوريتين تابعين ليه وتحت حمايته ووصايته وراح باعت جيشة هناك وقال لأوروبا وامريكا .....
لو كان فيكوا راجل يطلعلي فوق...
و باااس يا سيدي وما سيدك إلأ أنا ...
ومن ساعتها امريكا وانجلترا وفرنسا وألمانيا لا على حامي ولا على بارد
بس الصراحة يعني والحق يتقال فرنسا وإنجلترا مسكتوش....!!
وراحوا منزلين عقوبات على روسيا...
عقوبات فظيعة ...
وراحوا قرصينه من لباليبة وحظرو كام بنك روسي و كام واحد فنظام بوتين قال إيه ياخويا.... دول اللي بيشجعوه...... جتكوا واكسه توكسكو
بس كله كوم والموكوس بايدن كوم تاني....
فوكس نيوز الامريكية بتقول ف مقال ليها امبارح ...
إن بوتين شامم ريحة خوف بايدن من وهو قاعد ف موسكو
وإن بايدن هتك عرض الجيش الامريكي ف أفغانستان وهو بينسحب وفضحة قدام العالم كله ودا اللي خلى بوتين مستهيف الجيش الامريكي ومستهيف امريكا كلها
ف حين ان الجيش الروسي سيطر على سوريا وجورجيا وارمينيا ودلوقتي بيسيطر على اوكرانيا...
بس الاوروبيين يسكتوا على الوكسة دي..
ابداا
يطلع مستشار ألمانيا ويقول ..
بقا انت عاملي فيها شبح علينا يا بوتين....!!
طب وديني وما اعبد ما في خط غاز ستريم ٢ وعلى جثتي لو إنضرب فيه ماسورة واحدة!!
