بيقولك السيسي راح في ٢٠١٥ اعترف لإثيوبيا بحقها في بناء #سد_النهضة ، وده لأول مرة في التاريخ من خلال اتفاق المبادئ.. شايف #السيسي الخاين بيعمل ايه؟
يتبع??
#تحيا_مصر ✌️?? https://t.co/TOWRGstiH0
طبعا ده عبث مركب، لإن اتفاق المبادئ هو الورق القانونية الوحيدة دلوقتي اللي خلت إثيوبيا ملزمة بالتفاوض، بعد ما بدأت خطوات بناء السد من ٢٠١١..
?
الأهم، إن في العالم اللي احنا نعرفه مفيهوش قانون دولي ولا محلي حتى بيقول إن في دولة ذات سيادة محتاجة تاخد موافقة من دولة تانية علشان تبني منشأة على أرضها..
وده ياخدنا لنقطة تانية، أنا كل يوم تقريبا بقرا بوست أو تعليق لناس بتطالب بضرب سد النهضة..
?
ممكن حضرتك تقول لنا ايه السند القانوني اللي هتضرب على أساسه السد قصاد العالم؟ يعني انت خدت طياراتك وروحت ضربت السد وساويته بالأرض، مجلس الأمن اجتمع، سأل ممثل مصر ضربتوهم ليه؟ هيرد يقول ايه بقى؟ اتفضل البس عقوبات وانت ساكت..
?
اومال ايه اللي بيحصل؟ اللي بيحصل إن الدول اللي بتشترك في حوض نهري بتبقى ملزمة وهي بتستفيد من النهر ده بحاجة اسمها "الاستخدام العادل والمنصف للمصادر المائية".. لو خالفت المبدأ ده القانون الدولي بيتيح للمتضرر مجموعة من الخطوات علشان يقدر يتعامل مع الضرر..
?
