#ثريد مهم جداااا لمرضى #مقاومة_الانسولين
هو ليه مريض مقاومة الانسولين مش بيعرف يخس بسهولة؟
اشرحهلكم بالهجايص عشان تفهموا وبعدين اشرحها بالعلم
مقاومة انسولين يعني نسب انسولين عالية ف الدم حتى وإنت صايم، بالنسبة للمخ الدم بيكون في انسولين عالي لما تكون واكل، وطول م الانسولين عالي
بالنسبة للمخ إنت لسة واكل حالا ف هو يحرق ليه م إنت لسة واكل استخدم الاكل ده للطاقة
والحقيقة إنت مش بتكون واكل ولا حاجة
بالعلم بأه? الانسولين العالي بيعمل 3حاجات تأثر ع الحرق
-بيزود تخزين الدهون
-بيمنع تكسير الدهون
-بيقلل الحرق بتاع الجسم عموما
ف حرفيا حضرتك بتعدي جنب الاكل تتخن
أول م بنبتدي دايت بيكون الانسولين عالي ف حضرتك ممكن تلتزم أسبوع واتنين وتلاتة بالنظام الغذائي والنتيجة بالنسبة لك صفر لأنك مبتتحركش خالص ع الميزان وكمية frustration مرعبة
وجملة هو أنا لما ابتدي بحس قليل كدة امال بعدين حخس إزاي
دي اكتر مرحلة مرضى مقاومة الانسولين بتقع فيها وتبطل
النتيجة مش صفر خالص يا جماعة بس إحنا بنعالج مركب أمراض مش بس سمنة
الهدف الأول اننا نقدر نسيطر على خروج الانسولين ونسبه ف الدم وطول م هو عالي إحنا حيفضل عندنا مشاكل ف الحرق
ممكن نفضل لحد شهر بنحاول نسيطر على نسب الانسولين لكن أول م تتحسن حنبتدي نخس وكل م الوقت بيعدي الحرق بيتحسن
مفيش زرار بيزيط الانسولين، أنتوا كنتوا بتعدوا من جنب الاكل تتخنوا ف الثبات أو النزول بتاع 300جم ده متوقع ونتيجة كويسة لإن معناه اننا قادرين نسيطر ع الانسولين وماشيين صح
وكل م الانسولين بيرجع لمستوياته الطبيعية كل م الحرق بيتحسن جدا
يعني أنتوا تبتدوا بخسسان 200جم
