ايش تحتاج عشان تبدا تحسن اكلك، وتتخلص من تأنيب الضمير الي كل يوم يجيك بسبب عدم رضاك ، والهم الي يخليك تجيب مبررات عشان تأجل ؟

ركز احنا قاعدين نتكلم عن تحسين اكلك كجزء من نمط حياة صحي مننا قاعدين نتكلم عن رجيم او كيف تنقص وزنك..

تحسين اكلك هو الخطوة الاولى لكل شيء ولأهم شيء وهو تحسين (((صحتك)))

الهدف الاول هنا مو رقم على الميزان ❌

اول شي تحتاج تتخلص من عقلية الرجيم (ورقة فيها نظام غذائي وميزان) ❌

وبدلها بفكرة انك تبني عادات سليمة تستمر معاك مدى الحياة وتعلمها لعيالك واحفادك

والعادات السليمة ما تجي بشهر او شهرين

زي البناء تحتاج وقت واستمرارية ??

ثانياً تحتاج تعرف اشياء اساسية بالتغذية (الكميات المناسبة لاحتياجك، مواصفات الاكل الصحي، سلامة وامن الغذاء، الحقيقة والخرافة...)

وهذي تلاقيها بمصادر زي الكتب وموقع وزارة الصحة وهيئة الغذاء والدواء..

> وكمان بحسابي ?

المهم انو تكون مصادرك سليمة مو منتديات او "اثبتت الدراسات"

ثالثاً لازم تتعلم اساسيات الطبخ والحفظ والتخزين..الخ

حتى لو كنت بتتعامل مع شركات الوجبات الصحية

عشان مهارة الطبخ حتبقى معاك طول العمر ومو لازم تكون توب شيف المهم تكون عندك الاساسيات

برامج الطبخ حتفيدك كثير وحتستمتع لما نطبق وتلاقي نتيجة رهيبة ??