?التوفير في البناء!
كيف أوفر في بناء المنزل ؟
واسوي شي جميل ومودرن وانا موّفر 20 الى 25 بالميه من كلفة واحد نفس مخططي وبيتي ونفس المساحه
تابع السرد…..?
#تصميمداخلي #تصميممعماري
اول شي من الخطأ انك توفر في اساسات المبنى والعناصر الانشائيه العظم عطه حقه التوفير دائماً يكون في التشطيبات لانها تستحوذ على 60%من قيمة المبنى كامل
?اختيار الارض عنصر مهم في التوفير بحيث ماتكون نازله او تحتاج شغل مكلف لانه بعض الاراضي تدفع فيها 150 الى130 الف بس عشان تضبطها وتعدلها وتبدأ في شد الدور الاول واذا تحتاج بدروم الكلفه ضعفين
?واجهة المبنى اذا تبي توفر لاتحط حجر في الواجهه مكلف جداً شوف لك اي تصميم جميل مكّون من دهانات وبروفايل وكتل بارزه مطّعمه ببورسلان او سيراميك
مع بعض العناصر الجماليه البسيطه راح توفر من ٥٠ الى ٦٠ الف
?البورسلان والسيراميك ابتعد عن الديكورات والاحزمه المبالغ فيها واعتمد على اللون الموحد الجميل حتى لو اخذت ساده غالي كلفته اقل من ابو ديكورات واحزمه والساده أجمل وافضل
