#البنغلةللأطباءحديثي_التخرج

0️⃣1️⃣ حلول لو عاوز قروش:

1-تشتغل في اقرب صيدلية كمساعد صيدلي او صيدلي خصوصا لو في منطقة نائية

2-تاخد كورس تمريض سريع وتشتغل بيهو في أقرب مستشفى

3-مساعد تدريس في جامعتك او في اي جامعة خاصة قريبة ليك (دائما عندهم حوجة) وخصوصا لو جايب في مادة A https://t.co/9kQxGIC6qN https://t.co/Fe8qR6bx6Q

او A+/distinction

4-مساعد طبيب (بتساعد اختصاصي أسنان مثلا في عيادته)

5- ممثل simulator ايام امتحانات الكلنكال/السريرية في كليات الطب

6- مدير طبي طواريء وتقريبا دي من اكتر الحاجات الفيها قروش مقارنة بالشغل المكتبي الغير متعب

خصوصا لو مستشفى طرفي زي بشاير ومستشفى أم ضوا" بان

وشغل الإدارة الطبية لقدام ممكن يخدمك

خصوصا لو كنت مقيم في الولايات لانو ممكن تعمل تغيير حقيقي في المستشفى على عكس الخرطوم

7- مدرس خصوصي لطلاب الطب خصوصا المستويات الاولى والتانية والتالته

وخصوصا في الجامعات الخاصة

ممكن تدرس مجموعات في اي مكتبة وتحجزو قاعة مثلا

8- تدريس مصطلحات طبية او اسعافات أولية في مراكز الكورسات

9- مدرس أحياء او اي مادة شاطر فيها لطلاب الثانوي

10- لو عندك خبرة بحث تخرج عملتو براك ممكن تساعد في ابحاث بقروش او تدخل بيانات او تجمع بيانات يعني تشتغل زي research assistant مع انها نادرة في السودان

لازم اي طبيب متخرج جديد يفهم انو هو عملة نادرة لانو عدد الأطباء بالنسبة للسكان بسيط جدا جدا لكن مشكلتنا متركزين كلنا في الخرطوم.

لو فكرتو تطلعوا الولايات الشغل والقروش فيها بالكوم خصوصا لو مستشفى حكومي او تابع لمنظمة ما وأخص بالذكر إقليم دارفور ومستشفى الضعين وكمان شايفة