بتكلم عن تجربتي مع المضخة كأول سنة وأول رمضان لي معها #T1D #pump

ركبتها نهاية ديسمبر / 2019 وكانت نهاية حلوة للـ #T1D بحكم ان وضعي كان مذبذب بين ارتفاع وهبوط وعدم معرفتي الى ذاك الوقت بالجرعات المناسبة

كنت متخوفه قبل لا اركبها بحكم ان الوضع يحتاج حسبة كارب وتحليل تقريباً 6 مرات باليوم -انا والحساب مش اصحاب ?- كنت احيانا اتدلع وازعل من اهلي وقت الاكل لانهم يسوون لي اكل بدون حساب ? واشكرهم على صبرهم صراحة لو انا مكانهم هاوشتني ??‍♀️

بعد اول شهر جا وقت موعدي كنت امر بحالة اقرب مايقال عنها اكتئاب بحكم بعض الظروف اللي عشتها لكن كنت ماسكة نفسي عشان ابدا بدايه لسنة جديدة وممتازة مع #T1D مرو اول شهرين والتراكمي 7 وشوي والحمدالله على ذلك

لكن صار اللي محد يتوقعه وهو الوباء اللي حصل ، حرفياً اكتئبت اكثر لان مازالت بعض الظروف محاصرتني واضعفتني بالاضافه الى ان مناعتي ضعيفه زاد خوفي اكثر وبطلت اطلع من البيت

السكر صار يرتفع واغلب الوقت جالسه اعطي جرعه تصحيحيه واحس المضخه تقول خلاص ارحميني ?? لكن الحمدالله تغلبت عليها بحساب دقيق للنشويات سريعه الامتصاص بحيث اعدل النسبه بالمضخه للفوريه تكون اعلى من الجرعه المطوله