مرحبا بشارك تجربتي في تعلم اللغة الانجليزية و اتقانها
اول شي احب انوه انه كان تعليم ذاتي و ممكن ما يكون الطريقة المثلى لكن بالنسبة لي نفعت معي و لله الحمد!
اول شي ما عمري دخلت معاهد تعليم لغة لا قبل دخولي الطب و لا في الابتعاث!
دخلت الطب على تعليم الثانوي و طبعا واجهت صعوبة بالغة اول سنة و تعبت نفسياً لدرجة كنت كل يوم ادرس و اترجم كل كلمة و احفظ! و ايضا اشوف لها مرادفات و احفظها تقريبا الترم الاول كله كذا كان، الترم الثاني صار اهون بحكم انه صار عندي حصيلة جيدة نوعاً ما!
طبعا سنة ورى سنة مع القراءة الكثير و الدراسة تعودت عاللغة و صرت احبها و صارت شغف! صرت اتفرج افلام بدون ترجمة و احاول اكرر الكلام وراهم عشان انطق صح!
في السنة الرابعة طب رحنا المستشفى و صرت اجلس وقت طويل مع الممرضات و امارس اللغة بشكل يومي واحيانا اذا ما فهمت كلمة اسألهم وش يعني ويشرحونها و بكذا احفظ معاهم!
لمن تخرجت من الطب كنت اقرا كتب وروايات و اترجم! و اسمع كثير مقاطع بالانجليزي خاصة برامج الاطفال لانها سهلة و يتكلمون ببطء فسهل انك تلقط الكلمة و تترجمها على مهلك!!
طبعا عشان الايلتس اخذت كتاب واحد فقط مجمع فيه ٦ نماذج اختبارات و كنت كل يوم اختبر نفسي واحد و احط تايمر!
