#مناعة_وحساسية

?تعزيز المناعة بالغذاء:

▪إتأكد انه نظامك الغذائي غني بالعناصر الغذائية المعززة للمناعة

▪الجسم بستخدم العناصر الغذائية ويمتصها بكفاءة لما تجيهو من مصادر كاملة زي(الخضروات والفواكه)بدل المصنعة والمكملات

▪تحت ح أكتب نماذج لعناصر غذائية ضرورية لتعزيز المناعة https://t.co/0R8V2plEUj

▪الأطعمة الغنية بفيتامين C (ج) بتزيد انتاج خلايا الدم البيضاء وبالتالي بتساهم فى مكافحة العدوي و عندها دور فى التقليل من الشيخوخة( لاحقا نتكلم عنها)

▪أمثلة:

قريب فروت - برتقال - ليمون- فلفل(الوان)-خضروات ورقية (خس؛ جرجير؛ ملوخية .. الخ)- فراولة - بروكلي.

اكل منها يوميا

▪بيتا كاروتين- و دي مادة بتدي الخضروات لونها البرتقالي، بتتحول لفيتامين A (أ)، مضادة للالتهابات وتساعد اجسامنا المضادة تستجيب للسموم والمكروبات، ولانها بتذوب فى الدهون محتاجين ناكل معاها دهون صحية.

▪أمثلة:

جزر - قرع - شمام - بطاطا حلوة - سبانخ - لفت - مشمش.

أكل منها كل يوم

▪فيتامين E (هـ)، فيتامين يذوب في الدهون وأساسي في تنظيم ودعم وظيفة جهاز المناعة.

▪أمثلة:

المكسرات - البذور - الأفوكادو - السبانخ - الزيوت (الزيتون) - الطماطم- المنقة - اللحوم الحمراء - الأسماك.

▪الشاي الأخضر - مليان بمضادات الأكسدة اللي ثبت أنها بتعزز وظيفة الجهاز المناعي، وفيه أحماض أمينية بتساعد الخلايا التائية (خلايا مناعية مهمة جدا بالذات فى الالتهابات الفيروسية) فى شغلها، بقلل الالتهاب في الجسم ويساعد فى مكافحة العدوى.

ممكن تشربه سخن أو بارد