إيه أكتر زيت صحي للقلية

#ثريد #يومياتطبيبةتغذية #رمضانيات_مي

#رمضان

سمبوسك وقطايف وزلابية وكبيبة وكميات قلية مرعبة

خلونا نتفق الأول إن القلي العميق بالذات مش طريقة طبخ صحية وبيزود سعرات الاكل جداااا وإنه مش المفروض يكون عادة يومية

مهم جدا نختار نوع الزيت عشان نقلل الاضرار

في حاجتين حندور عليهم وإحنا بنختار زيت قلي

-درجة تدخينه عالية

High smoke point

-stable

مش بيتفاعل مع الاوكسجين لما بيتسخن

وفي نقطة تالتة ليها علاقة بالطعم إن يكون طعمه neutral ميديش الاكل طعم مختلف

يعني إيه smoke point

دي درجة الحرارة اللي عندها الزيت بيدخن

م يدخن يعني يا مي إيه الأزمة ؟

معنى إن الزيت دخن يعني الدهون ابتدت تتحلل وتتغير كيميائيا وده مش بس بيأثر ف طعم الاكل وجودته غذائيا لكن كمان بيطلع مواد مسرطنة لما تتاكل ولما تشم دخانها

ف المرة الجاية وإنت بتقلي لما الزيت يدخن اقفل النار وابعد عن الدخان ده لا تستنشقه وارمي الزيت ده بالاكل اللي كان بيتحمر فيه

لما بنقلي قلي عميق درجة حرارة الزيت بتكون بين 350-375فهرنهانيت

المفروض لما نختار زيت للقلي تكون الsmoke point بتاعته فوق ال400 فهرنهايت

تاني حاجة بندور عليها

الoxidative stabity درجة تفاعل الدهون مع الاوكسجين

كل م كان التفاعل أقل كل م كان تكوين الجذور الحرة اقل

الجذور الحرة الكتير بتأثر ع الصحة وبتكون سبب في حالة التهاب مزمنة ف الجسم وفي كلام كتير عن علاقة الجذور الحرة بالالزهايمر والروماتويد