موضوع التوكسوبلازما أو ما يُعرف بــ "مرض البنات" أنا عارف إنه قُتل بحثاً و ناس كتير أتكلمت عنه، لكن هقول كدة بعض النقاط السريعة عنه فى ثريد:

• المرض دة مش بيتنقل بس عن طريق القطط، ممكن يتنقل عن طريق أكل لحوم أو ألبان ملوثة أو نية لم تتعرض للحرارة https://t.co/fMXljJslFo

- عشان يتنقل من القطة لازم تلمس برازها و بعد كدة بشكل مباشر أو غير مباشر تلمس بوقك

• مش بيتنقل عن طريق شعر القطط ولا نفسهم ولا بوقهم ولا كل الكلام الفاضى دة

• مش بيسبب اجهاض عند الحوامل ولا بيجيب عقم إلا نادراً جداً لكن خطورته بس يسبب تشوهات فى الأجنة

المرض صعب جداً جداً جداً يتنقل من القطط للبنات لأسباب كتير أهمها:

• زيادة الوعى بالنظافة الشخصية، يعنى محدش هيلمس ليتر القطة و حمامها و بعد كدة ياكل بايده من غير ما يغسلها مثلاً!

• القطة بتنشر العدوى فى الحمام اسبوعين فقط على مدار عمرها كله!

- مفيش بنت على وش حمل بتتابع مع طبيب نسا مش بيعمل اختبار توكسوبلازما

آخر نقطة و دى الأهم.. لو هتجيب قطة جديدة أو عندك قطط بياكلوا لحوم انت مش متأكد من مصادرها زى اللانشون و البرجر و السوسيس إلخ.. تقدر تزور أقرب عيادة بيطرية ليك و تطلب عمل اختبار توكسوبلازما لقطتك و تطمن.

للناس المُطلعة و الدكاترة اللى حابين يعرفوا معلومات أكتر عن المرض بالتفصيل:

https://t.co/u8Z2T6BEU8