منقول ومكتوب بأيد ظابط دكتور
"" أيوه أنا الظابط اللي سرق البلد ""
آه يعني باباكي حرامي ! جملة قالها تلميذ الثانوية العامة ذو ال18 ربيعا لبنتي فالدرس لما عرف إن باباها ظابط جيش !
أيوه يابني عندك حق أنا فعلا الظابط اللي سرق البلدومش بس كده.لأ دا أنا أقل واحد ف الظباط اللي زيي
??
ومن عينتي دول سرق من البلد دي !!!
انا يابني اللي إتخرجت من الجامعه وسبت الفسح وصحوبية البنات ف النادي والمتعة بأحلي أيام ف عمر أي شاب ورحت الحربية حلقت شعري زيرو وصحيت من 5 الصبح علي دش مية متلجه وطابور بعد الفجر فعز التلج وتدريب وأكل بالأمر ومذاكرة وحجز خميس وجمعه
??
عشان شعر دقني بان فضوء الشمس طويل ربع مللي !!! وكل دا ليه ؟ عشان أتخرج ظابط وأسرق البلد !!!!
أيوه انا يابني اللي خرجت وانا ملازم أول بعربية ف الصحرا ل 100 كيلو بسلاح وجنود عشان نعمل مشروع قتال وكنت مسئول عن أكلهم وشربهم نومهم ولبسهم تدريبهم ورجوعهم للوحدة سالمين
??
وانا أمي قبلها بكام شهر كانت بتعملي الشاي باللبن والساندوتش وناقص بس تحطهولي ف بقي !
انا يابني اللي ماكانش ينفع طول ما أنا لابس البدلة أم نجوم أمشي أهرج ف الشارع زي أي شاب ولا أنط ف الأوتوبيس ولا أقف أشتري خضار ولا أشيل شنطة بلاستك سودا علي كتفي عشان أحافظ علي هيبة الظابط
??
عشان هيبة الظابط دي يابني من هيبة البلد بس انت اللي مش عارف .
أنا يابني اللي لما جيت يوم أتجوز كان لابد الأول آخد موافقة شغلي قبل موافقة أبوها وأبويا والمأذون عشان الظابط يابني ماينفعش يختار حتي مراته بالقلب بس وينسي إن سمعته من سمعة شغله .
?? https://t.co/DV5AbbSy2G
