منقول

حكاية الصراع مابين الست و عبد الوهاب

الصراع بين الست وموسيقار الاجيال كان صراع متعدد الوجوه وكان له مراحل مختلفة، يعني من البداية صراع مين الافضل؟ وبعدين مين الاحسن في السينما؟ وبعدين خفت حدة الصراع شوية وبقى مجرد غيره فنية، لحد ما خد الصراع شكل تاني خالص بعد فبراير ٦٤ https://t.co/wM25HcmYBu

إشمعني فبراير 64؟ علشان في اول الشهر ده غنت أم كلثوم لأول مرة من ألحان عبدالوهاب واتقابلوا في لقاء السحاب على رأي عمنا جليل البنداري لما عملوا انت عمري لكن طبعا حدوتنا النهاردة مش انت عمري خالص، حدوتنا عن الأغنية رقم تمانية اللي يلحنها موسيقار الاجيال للست، حدوتنا عن دارت الأيام. https://t.co/jc5aOYClWp

ياخي شوف الغريب أن اغنية دارت الايام يكتبها مأمون الشناوي اللي كان متخانق مع أم كلثوم من أواخر الاربعينات لحد سنة 1960،ويلحنها عبدالوهاب خصم أم كلثوم الفني اللدود.. صحيح والله فعلا اسم على مسمى دارت الأيام.

كواليس الغنوة دي كان فيها شوية مناغشة بين الست وعبدالوهاب ومأمون الشناوي https://t.co/R4sdUbtW2b

كان معروف عن الست انها كانت بترفض فكرة ياعيني ويا ليلي اللي بيقعدوا المطربين يقولوها وكانت بتشوفها أنها نوع من انواع شحاتة الاعجاب من الجمهور، يعني لما الجمهور يكون نايم كدة المطرب يرزع اتنين عين على تلاتة ليل يقوم الجمهور يصحصح كدة ويزقطط. https://t.co/37rQmNsT3U

ام كلثوم كانت بتكره الموضوع ده جدا وكانت في مكالمتها هي وعبدالوهاب كانت دايما تقوله كدة وتأكد انها عمرها ما ها تعمل كدة في حياتها أو تخرج من الغنوة علشان تضرب اتنين عين أو اتنين ليل برة الغنوة فعبدالوهاب يسكت لاء طبعا فقرر أنه يحط الست قدام الامر الواقع https://t.co/iIWWjHi52I