موقف شريف منير يفكرنا بفيلم الكيت كات وستدور الحكاية من هنا،

#ثريد_عن

فيلم "الكيت كات" و اللي يعتبر واحد من احسن ١٠ افلام مصرية، الفيلم ده وراه حكاوي كتير اكتر من اللي كانت في الفيلم نفسه، هقولك علي شوية حكاوي ممكن تكون جديدة عليك: https://t.co/nm9KlEkV1w

١- الفيلم متاخد من رواية ابراهيم اصلان "مالك حزين" و اللي اتنشرت سنة ١٩٨١ و اللي ابراهيم اصلان قعد خمس سنين يكتب فيها عشان يزوغ من الشغل

٢- عشان تفهم حكاية التزويغ دي لازم تفهم حكاية ابراهيم اصلان، اصلان اتولد في طنطا سنة ١٩٣٥ و اتنقل مع عيلته القاهرة و هو صغير

و اتربي في حي امبابة تحديدا في الكيت كات، متعلمش تعليم منتظم، المهم اشتغل في هيئة البريد و بعد كده اشتغل في هيئة المواصلات و كان ورديات ليلية، في الوقت ده اصلان ابتدي يكتب قصص قصيرة و يحضر قعدات مع نجيب محفوظ و توفيق الحكيم، و في مرة نجيب محفوظ سأل عليه

و عرف انه مبيقدرش يحضر كل اللقاءات بسبب ورديات شغله، وكان فيه حاجة اسمها منحة تفرغ من وزارة الثقافة، تديله تفرغ من شغله لكتابة رواية، بس شرط لازم احد الكتاب الكبار يكتب خطاب تزكية و ده اللي عمله نجيب محفوظ

٣- اصلان في البداية كان رافض يكتب رواية لان عمره ماكتب رواية و كان بيكتب قصص قصيرة بس، بس ده كان الطريق الوحيد عشان ياخد المنحة لمدة سنة و تجدد، ابتدي اصلان يكتب الرواية و هو عايش في حي الكيت كات و كل شخصيات الرواية واللي عددهم ١١٥ هم اشخاص حقيقين اصلان كان بيراقبهم و يكتب