قصة حقيقية
حمادة وعمايله
هناك ظواهر غريبة نصادفها وتتحول لقاعدة لا استثناء لها رغم أنها لا يوجد لها تفسير منطقي او سند علمي
من هذه الظاهرة حكاية حمادة اللي عمرها اكتر من ٢٠ سنة
حمادة زملكاوي عاشق للزمالك من طفولته وعيلته كلها زملكوية متعصبة الزمالك بيجري في عروقهم
وكاي زملكاوي اصيل كان بيحب يروح ماتشات الزمالك في اي مكان بيلعب بس طبعا حسب ظروفه المادية ما تسمح
لكن حصل حاجة غريبة جداً
حمادة كل لما يروح يتفرج على مباراة للزمالك في الملعب الزمالك يحقق نتيجة سيئة
يعني يخسر او لو لازم يكسب يتعادل بس التعادل يخرجه من البطولة
اتكرر الموضوع مع حمادة لدرجة ان اصحابه الزملكوية اقتنعوا انه نحس ومينفعش يروح ماتشات تاني في الملعب وكانوا بيمنعوه بالفعل فينتصر الزمالك عدة مباريات ومستواه يعلا جدا ويبقى الزمالك عنده ماتش مع فريق ضعيف ونتيجته محسومة فيصمم حمادة يروح يتفرج في الملعب
وتحدث المفاجأة
وينهزم الزمالك ويخرج من الكأس على يد فريق يلعب بالدرجة التانية وتتكرر الظاهرة بلا اي استثناء للقاعدة حتى ان والد حمادة الزملكاوي لما كان يعرف ان حمادة رايح ماتش للزمالك كان يخليه نايم ويقفل عليه غرفته بالمفتاح ويصحا حمادة ويخبط عالباب ومحدش يفتح له الا قبل الماتش بدقائق
عشان يشوفه في التي في
اشتهر حمادة جداً حتى أن حسام وابراهيم حسن
لما دربوا الزمالك وكانوا يشوفوه في ماتش كانوا يقولواله في عرضك يا حمادة روح خلينا نكسب وميروحش حمادة ويخسر الزمالك حتى انه كان من انصار مرتضى منصور والمعتادين مرافقته في أي زفة ورغم كدة مرتضى اقتنع بالفكرة دي
