" عمر افندى "

ده مش عنوان لفيلم..

إنما هو الإسم المعروف لأعرق سلسلة تجارية أُنشئت عام 1856

و فى الحقيقة بينطبق على عمر افندى المثل الشعبي الشهير" يا عينى على الحلو لما تبهدله الأيام "

و عاوز اقولكم ان عمر افندى اتبهدل و تم التمثيل بجثته إن جاز التعبير لحد ما وصل للحالة المذرية https://t.co/BsmdN8JaCC

اللى بقي فيها حاليا، مجموعة" عمر افندى" تأسست عام 1856على يد عائلة اودولف اورزدى" النمساوي الأصل و كان اسمها في الوقت ده(Osrosdi Back) و تأسس اول فروعها في شارع عبد العزيز فى عهد الخديوى سعيد و يعتبر ده اول مول تجارى في مصر وقتها، و كان محل جذب للنخب و الطبقات من كافة الأطياف

و سنة 1921 اشترى الفرع ده احد أثرياء مصر "اليهود" و كان شغال في الفرع ده موظف مصرى انيق الهندام دائم الابتسامة اسمه " عمر افندى " و بموجب صفقة بين صاحب المتجر و عمر افندى انتقلت حقوق التسمية بدلا من اورزدى باك و اصبح المتجر بإسم عمر افندى و ده بسبب صيت الموظف المصرى المحبوب في

الفرع ده و قبل ما انسي اوزردى اوكل مهمة تصميم المبنى للمهندس العبقري رؤول براندن و اللى صممه على الطراز الفرنسي المعروف بإسم الركوكو و استمرت الشركة بنجاح مذهل و توسعت في فروعها و اصبحت من ضمن اكبر السلاسل التجارية اللى بتخدم المواطن المصري و غير المصرى لحد ما بقت اساس تجارى https://t.co/RzE4Qi2wXw

و فى عام 1957 قام الرئيس جمال عبد الناصر بتأميم شركة عمر افندى و عام 1967 صدر القرار الجمهوري رقم 544 بتحويل شركة عمر افندى إلى شركة مساهمةو لا احد يعلم سبب استيلاء الدولة على شركة تعمل بموجب قوانين التجارة. .اللهم انه حالة التأميم اللى اصابت البلد وقتها

و ده تبرير الرئيس للتأميم https://t.co/Cy4ENVevQJ