الوسط المتكون من فالفيردي-كاسيميرو-كروس فيه كتير ميزات .. بس ناقصه شي واحد مهم جداً ، إنه ما عنده الإمكانية يتحكم بالرتم و يغيّر جلده خلال المباراة ...
لهيك كان ضروري يقدم ثلاثي الهجوم عمل كبير من ناحية احتفاظ الفريق بالكرة و تدويرها و غيره و غيره .. و هالشي بالبداية مع سوء هازارد و محدودية بيل ما كان متوفر .. بس الواضح انو زيدان طالبه ...
مع الوقت و إضافة رودريغو و كسبه للثقة و تحسُّن هازارد تم تطبيق هالشي و ظهر أثره بشكل واضح على شكل الفريق .. بس طبعاً محتاجين وقت أطول و تفاهم أكبر لإظهار جودة عالية و قوة مرعبة للفريق ...
الحل التاني اللي استعمله زيدان ضد باريس كان لاعب وسط رابع كويس على الكرة .. و كانت النتيجة سريعة و شفنا فريق بأفكار متكاملة و بوقت أقصر و طريق أكثر سهولة للوصول للنتيجة من الطريق الأول ...
قبل مباراة باريس كنت رافض انتظار الفوز و رافض ارشيحنا له لإني بعرف إننا بالشكل الأول ما وصلنا للتمكُّن الكامل و تطبيق الأفكار ناقص و في مشكلة بالجودة [أمور بتحتاج وقت لحلها] ...
