المبرمج المبتدء والهروب ...
هذا الموضوع بتكلم فيه عن مشكلة تقريبا بتقابل 90٪ مننا في بداية تعلم البرمجة اننا بنكون متحمسين جدا في البداية وعند أول مشكلة حقيقية علي طول بنهرب وبنترك التعلم بحجة ان البرمجة صعبة ومش قادرين نفهمها
خليني اوضح لك بعض الأسباب >>
اول شئ يا صديقي مينفعش تتعلم البرمجة علشان سمعت انها مهنة كويسة وفيها فلوس ?
تاني شئ مينفعش تتعلم لغة برمجة علشان صاحبك قلك ان دي سهلة علي المبتدئين ❌
ثالث شئ مينفعش علي طول مباشرة تروح تفتح المسار وتبدء التعلم من غير اي مقدمات ❌
طيب اي الحل ؟
أولا اما تيجي تتعلم اي شي جديد في الدنيا لازم تمرن عقلك وتهيئه كويس للشئ ده في مقولة بتقول ان العقل علشان يستوعب اي جديد محتاج ممارسة علي نفس الشئ لمدة تقريبا 40 يوم علي الأقل يعني اليوم اللي انت قررت تترك البرمجة فيه ممكن تكون اقتربت فعليا من مرحلة الفهم والإدراك لكنك استعجلت !!
ثانيا البرمجة علم زي أي علم ولكنها علم مختلف شوي عن بقية العلوم لأنك بتتعامل فيها مع الكمبيوتر ، انت من خلال لغة البرمجة بتعطي الكمبيوتر أوامر ومدخلات من خلالها بيعطيك مخرجات تتمثل في النتائج اللي بتشوفها عند تنفيذك لأي كود لذلك مجرد استيعابك لفكرة التنفيذ والتشغيل هتفرق معاك >>
ثانيا اختيار اللغة او المسار اللي هتتعلمه لازم يكون نابع من جواك وباقتناع ورضا تام وتكون محب ليه ، ببساطة مينفعش اعزمك علي نوع أكل انت مبتحبوش ومعندكش رغبة فيه ، لذلك لو انت جيت علي نفسك وكلت معايا مش هتستمتع بلذة الأكل وهتكون مستني اللحظة اللي تمشي فيها ونسيب المطعم !!
