بوست كل اول يوم في رمضان

ماذا لو كانت حبوبتك لما تدعي عليك و تقول ليك : "تشرب ما تروى" ما هي الا دعوى منها بإنو الـ osmoreceptors بتاعتك تبوظ

ما تبوظ و 'بس'، لأ... ابسلوتلي؛ تبوظ وهي مظبوطة على اكتر من 295 ملي اوسمول

يعني بإختصار حتكون في حالة دايمة من العطش اللامتناهي

الاوسموريسيبترز دي (مستقبلات بتقيس اوسمولارية الدم) قاعدة في الهايبوثالامس وهي البتعمل monitoring to the osmolarity of the blood، لمن تزيد بتديك احساس العطش

طيب ليه بتديك احساس عطش بالذات؟!

لأنو ما كل احساس بيمشي للconscious بتاعنا فـ التعبير عن ارتفاع اوسمولارية الدم بيكون في شكل عطش،

بمعنى لمن اوسمولارية الدم تزيد ما بتحس بيها في حد ذاتها لكن بتحس بالتأثير البعملو الهايبوثلاماس نتيجة ليها؛اللي هو بيكون عطش وتمشي تشرب نتيجة للعطش دا ولمن تشرب بتشرب موية في الغالب(لانو اي حاجة تانية غير الموية ممكن تزيد الطين بلّة)و بكدا ممكن تقلل الاوسمولارية واحساس العطش يروح

فكّر في الاوسمولارية زي لمن كباية عصير كتّرت ليها السكر، عشان تقلل طعم السكر الكتير دا حتعمل شنو؟ بإختصار حتزيدها موية عشان السكر الزايد دا يحصل ليهو dilution.

دا البيحصل ليك لمن تاكل و بالذات حاجات فيها ملح بتعطش بعدها طوالي