(1) ثريد (احفظه في موبايلك) بعنوان

((How to change Your body))

الثريد دة ببساطة حيحتاجه كل شخص

• ناوي أو ناوية يشترك في GYM في يوم
• لكل بنت أو ولد بيتمرن في البيت
• لكل شخص ناوي يبتدي رياضة أو

-يزيد أو ينقص من وزنه

ببساطة الثريد بيحتوي على عصارة كل المعلومات الحتحتاج تعرفها ? https://t.co/ikNrBfmc3J

((1)) أولآ عضلات البطن Six pack بتتبني بالتمارين لأنها عضلات عادية أما نسبة ظهورها من عدمه في جسمك بيعتمد على نسبة الدهون الفي جسمك ال Body Fat ، فلو قعدت تتمرنها من هنا ل 2030 ونسبة دهون جسمك أصلآ عالية + بتدخل دهون وسكر بكميات عالية في جسمك مستحيل تظهر في شكلك وجسمك ?

(2) لازم تكون عارف إنه عشان تطلع عضلات لازم على الأقل تاكل 1,5 جرام بروتين يوميآ لكل كيلو في جسمك يعني لو وزنك 60 كيلو تاكل مفترض 90 جرام بروتين أقل حاجة ، وإلا كدة أنت ((بتخسس)) العضلة ما حتكبرها وما حتستفيد أصلآ من التمرين وحتجهد العضلة على الفاضي وهتضيع قروشك في الجيم ساي .

(3) تقسيم جسمك أو تضخيمه بيعتمد على (( نظامك الغذائي - Diet )) فماف تمارين معينة للتضخيم مثلآ وتمارين معينة للتقسيم! الهدفين بيحتاجوا نفس التمارين إلا العاوز ((يخسس جسمه)) بيلعب تمارين أسمها ((كارديو)) ودي الهدف منها حرق الدهون و(الكارديو ) بإختصار = أي تمرين بيخلي نفسك يقوم

((4)) لو عاوز تخش الجيم عشان تتخن وتعمل عضلات فأنت محتاج تحسب إحتياجك اليومي من السعرات الحرارية وتضيف عليهو 500 سعرة حرارية إضافية ولو عاوز وزنك يخس وينقص فأنت بتحسب سعراتك الحرارية اليومية وبتقلل منها 500 سعرة ..

المهم إنك لو حتزيد تاكل أكثر من معدلك الطبيعي والعكس صحيح ?