? 1️⃣حفسرلكم طيب ليه جلسة مجلس الأمن انتهت كده. والموضوع مالوش علاقة بقصص "بيهينوا مصر".وحفسرلك ليه القادة ماهتمتش بالأمر.. وليه الرئيس المصري راح يلعب بالبسكلتة وقت الجلسة. صور الرؤساء وتحركاتهم رسائل مخابراتية ومبتنزلش في توقيتات معينة عبثا..ولا هو شاف عجلاتي فجأة فقرر يسيبله

2️⃣البطاقة ويأجر عجلة وياخد لفة.

١ - الصين صديق مصري بس شريك وحليف روسي.. وفي فرق كبير. فطبيعي ان روسيا تنحاز للصين على حسابك.

٢ - الصين واخدة موقف ضدك في قضية سد النهضة عشان انت لو كسبت في مجلس الأمن حتعمل ضدها سابقة دولية في مشكلة تخصها.. لأن الصين عندها نفس الأزمة مع فيتنام حول

3️⃣ سد "جينجهونج".. على نهر "ميكونج".

عشان كده المندوب الفيتنامي كان في صفك ضد المندوب الصيني.

٣ - فرنسا ممكن تبقى في صفك بشرط طرحته علنا على الترابيزة "انتقال ديموقراطي للسلطة في السودان كأولوية لفرنسا". فرنسا عايزة تحط إيدها على السودان بعد الثورة السودانية.

4️⃣ ٤ - إنجلترا لها نفس الهدف بس طرحته بطريقة الرجل القوي الواثق البارد. أنا بعشق طريقة الانجليز دي.. عايزني ارضى عنك...؟ اغريني . ممكن تقدملي ايه؟ انا كمان يهمني استقرار السودان.. ومش حكون مبسوطة لو خدتها فرنسا. أنا اللي عايزة السودان و "شروطي دي قابلة للتفاوض".. الانجليز أساتذة

5️⃣ في تقسيم التورتة من القرن التاسع عشر.

٥ - تونس والباقين طلبوا استمرار المفاوضات وكلامنا العادي اتكرر وإثيوبيا استحالت من خصم إلى عدو بيتهددك. والخصم يختلف عن العدو.. العدو قابل للتعامل معاه بكل الطرق.

٦ - المشكلة مش في وجود السد. إثيوبيا عندها اكتر من ٢٠ سد على النهر.