بصفتي مهندس بترول عارف كيف تدار الامور داخل حقول النفط : اعتقد أنه من عاشر المستحيلات موظف صغير زي المهندس الشغال في غرفة تحكم محطات ضخ النفط يقوم بتعطيل سخانات الخام بغرض تجميد الخام في الخط مهما كان كوز و بليد و رمة لأنو كل شي مراقب بالملي و الحتة بواسطة ... يتبع ١/٥
عشرات الأشخاص في الحقل و المكتب الرئيسي في الخرطوم بحيث يستحيل تمرير شئ زي كدة بسهولة.
عن نفسي اظن أن سبب تجمد الخام في الخط ربما يكون بسبب المضافات الكيميائية التي تضاف للخام اضافةلانخفاض درجات الحرارة في الايام الماضية الشئ الذي يعزز من عملية فقدان الخام للحرارةبشكل أسرع.
٢/٥
الموضوع دة طول جدا ما من أمس ولا اول أمس الموضوع دة ليه 3 اسابيع، ليه ما يطلع بيان رسمي من الجهات المختصة و توري السبب الحقيقي وراء الكارثة دي بدل الناس شغالين لايفات و دولة عميقة عطلت السخانات و بتاع، خط الانابيب دة مراقب علي طوله بنظام SCADA بضغطة ماوس بتقدر تعرف
٣/٥
درجة حرارة الخام في اي متر من الخط و في اي ثانية من اليوم ومنو التيم الكان شغال في المحطة المعينة دي.
ثم ياخ كدي خلونا نركب قمبور نصدق كلام الناشطين و بتوع اللايفات : بالله عليكم كونو يكون في كيزان أصوليين متشددين لدرجة يتمكنوا يجازفوا مجازفة خطيرة زي دي و
٤/٥
يكونوا لسة متمكنين وبدون رقابة و إشراف عليهم في حتات تعتبر أمن قومي زي حقول البترول، بالله عليكم الحاجة دي ما عيب في حق حكومة عيال منظمات أكثر من كونها مؤامرة دولة عميقة؟؟؟
كسرة:
أرجو من الاخوة المهندسين و الفنيين العاملين في حقول النفط توضيح الحقائق الفنية حول الموضوع.
٥/٥
