#ثريد موضوع اليوم عن الراحة من الدايت أو Diet Break يعتبر من الأدوات المهمة لفترات خسارة الدهون الطويلة

اول طريقة اللي هي الدايت بريك الاساسية

مبدأ الدايت بريك هو نفس تغيير زيت السيارة قبل ما تتعطل

يعني بدل ما تسوي دايت حتى تضرب نفسيتك وتجيك شراهة في الاكل تحط خطة لك للراحة عشان تتجنب الاعراض الجانبية اللي تجيك من الالتزام بسعرات لخسارة الدهون لفترة طويلة

كيف تطبق الدايت بريك؟ بكل اختصار ترفع سعراتك لسعرات المحافظة لمدة اسبوع واذا ما تعرف كم سعرات المحافظة الحالية زيد من ٣٠٠-٦٠٠ سعرة باليوم

هذا الشي يساعدك تسوي كنترول قبل ما تفقد السيطرة على الدايت

الدراسة الاصلية على الدايت بريك وجدت ان الدايت بريك لا يعطل خسارة الوزن

واللي اخذو دايت بريك خسرو وزن نفس اللي ما سوو دايت بريك https://t.co/a1eXbJp0C1

والوقت اللي تقضيه في تناول سعرات حرارية اقل من حاجة جسمك راح يقلل من صرف جسمك للطاقة او حرقك للسعرات وفي أشياء ما تقدر تتجنبها من هذي الناحية لانه وزنك قل وقلت الكتلة اللي تحركها فتنخفض السعرات اللي تحرقها وهذا الشي نسميه adaptive thermogenesis او التكيف الأيضي