مر ١٥ يوم منذ أن بدأت أعراض كورونا معايا، ومر ٧ أيام منذ أن وصلتني النتيجة بأنها إيجابية!
الموضوع بدأ بكحة خفيفة جداً في المساء وتاني يوم كان فيه أعراض برد ورشح.. بعدها بشوية بدأ تكسير في كل أنحاء الجسم بشكل صعب.
لمدة ٣ أيام كان فيه عدد من الساعات بأبقى كويس جداً وكأن مفيش أي حاجة، وفجأة وكأن فيه حد بيدوس على زر كهربائي وجسمي كله يدخل في مرحلة انهيار شامل وتكسير!
في اليوم الثالث وأنا لسة مش مصدق إن عندي كورونا ولكن قاعد في البيت وحيداً لا أرى أحداً من أجل تجنب العدوى، قررت أطلب كنتاكي..
وصلت القطع المقلية الشهية ولكن لم أشم شيئاً ولم أذق شيئاً.. لا طعم ولا رائحة.. هنا بنسبة ٩٠ في المئة تأكدت إن فيه كورونا.. طلبت الاختبار ووصل على البيت ثم طلبت من النظام الصحي العام NHS يبعتوا حد ياخد المسحة، وأخدت المسحة وسلمتها وبعد ٣ أيام عرفت إني إيجابي وعندي كورونا.
طبعاً من رحمة الله إن المسحة خدت وقت علشان تصل والنتيجة خدت وقت علشان تظهر وبالتالي عرفت إني إيجابي بعد ما كان مر ٧ أيام والخضة اللي كنت ممكن أتخضها في البداية كانت عدت!
التكسير خلص، ومكانش فيه ارتفاع في درجة الحرارة واستمر الرشح كام يوم،
وما بقي حالياً هو الكحة الجامدة وخصوصاً في الصباح وبعد الساعة ١٢ ليلاً بالدقيقة. قبل الساعة ١٢ ليلاً فيه كحة خفيفة ونادرة. حالياً بآخد أنتيبيوتك علشان الكحة وحاسة الشم والتذوق بدأت تعود ببطء.
