عارفين العشوائيات بتظهر بسبب ارتفاع في الطلب ضخم وعرض منظم قليل أو غير ملائم مع ضعف منظومة الحوكمة لحد ما تيجي الدولة اللي تقتحم الملف وتقرر أن ده مايحصلش تاني وتتكلف مبالغ ضخمة للقضاء على الظاهرة. هل السيناريو ده موجود في النظم؟ هل هناك عشوائيات رقمية؟ هذا هو عنوان ثريد الاسبوع! https://t.co/RL35FehG1D

سنة 1977 ظهر التعبير الشهير في أوساط المبرمجين Spaghetti code وده بسبب أن المبرمج كان بيكتب الأوامر بشكل غير منظم ومرتب وأنما بشكل صعب أي حد بعده يقراه ولو في مشكلة قراءة الملفات تاخد ساعات عشان توصل للمشكلة. التعبير حتى الآن بيستخدم للسخرية من اساليب البرمجة السيئة. https://t.co/ctqNtDKUNv

مع تطور النظم أصبح هناك المبرمج Programmer والـ Developer المطور و مهندس البرمجة Software Engineer أو الـ Architect اللي بيخطط وبيرسم البناء الداخلي للنظم والبرامج عشان يضمن تصميم مثالي قابل للتطوير وفي نفس الوقت يقدر يحافظ على "هوية" النظام واهدافه وعلاقته بالنظم الأخرى https://t.co/IOQuOatLTF

في تعبير شهير أسمه Technical Debt وهو الرصيد المتراكم من التعديلات أو الأخطاء التقنية المحتملة في تصميم نظام رقمي بسبب عدم الاهتمام بالتصميم السليم والمنهجية السليمة في تصميم الحلول. نفس فكرة "التلصقة" بالبلدي. https://t.co/EMaq822uL4

لو بصينا لأي مؤسسة من الناحية الرقمية هنلاقي مثلا عندنا شارع عريض اسمه Enterprise Service Bus مبني على يمينه وشماله نظم رقمية مختلفة ومتوصله بيه. وده اللي خلى لكل مؤسسة Enterprise Architect بيخطط البناء الداخلي لنظم المعلومات والحلول والبيانات وعلاقتها بالمؤسسة وهيكلها Org. Chart https://t.co/kdeuD2smLJ