كل مره أعلن عن فرص وظيفية للمصممين توصلهم كمية متقدمين كبيره لكن تتكرر كل مره نفس المشكلة …
تصير فيه عشوائية بالتقديم والنتيجة المصمم ينرفض او ما يجيه رد ويزعل انه يقدم كثير ولا أحد يعطيه وجه ??
- لكن يا ترى كيف ممكن ازيد فرصة قبولي؟?
أولاً تطمن انك مو لوحدك الي قاعد تغلط، كلنا غلطنا وتعلمنا … وهذا اهم شيء ?
ضروري تعرف تتعدد اسباب الرفض ممكن تكون:
- مستواك يحتاج تطوير واقل من المطلوب بالسوق وهالشيء مره عادي وراح تتطور بالممارسة
- طريقة تقديمك غير احترافيه وعدد المتقدمين كبير فـ مسوين لك Skip
ليش ممكن جهه تسوي لك Skip وحتى ما تطلع على أعمالك؟
- ايميل فاضي مافيه اي تفاصيل فجأه مرفقات
- التصاميم مدرجة بشكل عشوائي في الايميل
- هوية الشخص مو واضحه " الاسم والايميل"
-مافيه عنوان في الايميل خصوصاً بعض الجهات تعلن عن اكثر من شاغر وتطلب كتابه المسمى في الايميل
والحين نجي كيف ممكن نحل هذه المشكلة؟
1- دائماً الخبراء يحذرون من عمل الايميل الي كنه من شات تعب قلبي فيه القاب ولا اسم الدلع ?
لذلك ضروري مره تسوي ايميل احترافي فيه اسمك
2 - لما تقدم على جهه ضروري مره تكتب العنوان فيه اسم الشاغر الي انت قاعد تقدم عليه لا تترك العنوان فاضي
3- اكتب في متن الايميل فيه نبذه قصيره عنك واهم المهارات الي تتقنها و الي تناسب الشاغر الوظيفي المهم اكتب مقدمه عنك تلفت الشخص الي راح يفرز الايميلات وانتبهو من الكلجات ???
