تعالوا نشوف حكاية.. رجوات منصور..

كلنا فاكرين فيلم ليلة الدخلة إللي قام ببطولته الفنان إسماعيل ياسين وحسن فايق وطبعاً البنتين الوحشين إللي اتجوزوهم وكانوا سوسو وتوتو

النهاردة أتكلم عن واحدة من الاتنين هي الفنانة..رجوات منصور https://t.co/A61vjwnIen

رجوات منصور.. كانت من عائلة غنية جداً ف أسوان

أخواتها اتجوزا إلا هي عشان شكلها

تركت رجوات أسوان ونزلت القاهرة تشتغل ف أي حاجه لحد ما بالصدفة أتعرض عليها دور فيلم ليلة الدخلة عشان المخرج كان عايز اتنين وحشين

المهم الفيلم اتعمل ونجح وهي حققت بعده كام فيلم ع الماشي كده

رجوات سكنت ف عمارة وكان جارها شيخ عايش هو واخواته الثمانيه وأمه العجوزه وكانت رجوات بتروح تساعد أمه وكمان تساعدها ع تربية ولادها

الشيخ ده كان متجوز أرملة وعندها أربع أولاد واتجوزها عشان يساعدها برضوا ف تربيتهم

المهم أم الشيخ عرضت ع ابنها أنه يتجوز رجوات وفعلا وافق

وكمان رجوات وافقت زيها زي أي بنت عايزة تعيش

المهم مرات الشيخ الأرملة توفيت وأم الشيخ والشيخ توفوا

وأصبحت رجوات تربي 12 من الأبناء..

فقررت بأنها تشتغل عشان تقدر تربيهم وفعلا كرست حياتها ليهم ورجعت رجوات تشتغل ف البيوت والمحلات

الأولاد كبرت واللي بقي دكتور واللي مهندس واللي اتوظف

وقرر كل حد فيهم يأخذ رجوات عنده شهر تعيش معه ويبقى مسئول عنها من أكل وشرب ويخدمها..

لحد ما جه واحد فيهم كان دكتور قرر أنه يحججها وكانت دي أمنية رجوات من زمان..

وفعلا تزور رجوات بيت ربنا وهناك تاهت من أبن زوجها