دكتور شاب عمره ٣١ بيحكي ...
"بابا اتجوزها بعد موت أمي بشهرين. عمري وقتها كان ست سنين، كرهتها قبل ما تدخل بيتنا.. وكرهتها بعد ما دخلته برغم إن عمرها ما عاملتني بطريقة تضايقني؛ بالعكس! كانت بتهتم بيا وبتراعيني زى ما أكون أبنها
كل يوم بكبر فيه بعرف عنها حاجة، عرفت إنها اتطلقت يتبع?
علشان مبتخلفش، بابا اختارها عشاني، عشان مش عايز إبن أو بنت ينافسوني ف حبه ليا.
الأيام عدت بينا بسرعة رهيبة! بس هي دايما موجودة.
ذكريات دراستي كلها عبارة عن دخولي البيت، ريحة الأكل اللي بحبه مالية الصالة، خروجها من المطبخ بتضحك وهي بتسألني عملت إيه النهاردة؟!، ردي السخيف عليها،?
تجاهلت سخافتي تماماً وهي راجعة المطبخ عشان تحضرلي الغدا عقبال ما أغسل أيدي.
عشرين سنة علمت نفسي أكرهها، عمري ما قلتلها ماما، عمري ما ناديت عليها أصلاً! كانت دايما قدامي.
بابا تعب ومات فجأة، فضي البيت عليا وعليها، حسيت إن وجودي معاها غلط، مع أنه مفرقش كتير عن وقت وجود بابا !
?
بلغتها إني هاسيب البيت وأستقل بحياتي، مفهمتش نظرة عينيها بس مقدرتش تعترض.
نقلت ف شقة قريبة وكنت كل مدة بروح بيت بابا آخد بقية حاجتي
ف يوم دخلت ملقيتهاش! يمكن لأول مرة من ساعة ما دخلت بيتنا! شوية ولقيتها بتفتح الباب وشكلها تعبان
بعد إصرار مني وعين مليانة قلق، عرفت إنها بدأت رحلة?
علاج من فترة وإن صحتها بدأت تتدهور.
اليوم ده حسيت بالخوف، حسيته لأول مرة في حياتي.
طلبت منها تديني مواعيد زيارة الدكتور عشان أكون موجود معاها، رفضت، أصريت، قالتلي إني مش مضطر أعمل حاجة زى كده! (أنا مش أمك).
قاسية! كانت قاسية وتعبانة ومقدرتش تقاوح معايا كتير.
اتكررت زيارات ?
