ليه الجمالية والنواحي دي بالذات؟

المعز لدين الله الفاطمي و هوة داخل مصر للمرة الأولى بعد ما القاهرة اتبنت كان جايب معاه شئ و شويات ..

من وسط 1500 جمل كانوا متحملين ذهب و ياقوت و مرجان و مغارة علي بابا كلها .. كان فيه كام جمل شايلين لا مؤاخذة تلات توابيت !

١ https://t.co/0UXUKLQO1x https://t.co/zWnx1AVWrE

التوابيت دي كان فيها رفات الأئمة اللي قبله، المنصور و القائم بأمر الله و عبيد الله المهدي مؤسس الدولة الفاطمية ..

المشهد المدهش ده مناسب جدا لفهم الفاطميين .. الأئمة كانوا مقدسين أكتر من الملايكة و الاوليا و الانبيا .. و بالتالي مكنش ينفع يسيبهم مدفونين في المغرب ..

2

كان لازم يجيبهم معاه عاصمة الدعوة الفاطمية الجديدة " القاهرة "

في القصر الشرقي الكبير المعز جهّز مقبرة عظيمة تليق بقداسة الأئمة و زوجاتهم و أولادهم .. المقبرة دي اللي اتعرفت بعد كده باسم : تربة الزعفران ..

الكلام المتنطور في الكتب عن تربة الزعفران مش كتير

3

بس نفهم منه إنها مكنتش مقبرة عادية .. المقابر اللي فيها كانت متغطية بالدهب .. المباخر و النجف في كل مكان معمولين من الدهب و الفضة .. الخليفة بموكبه و هيلمانه لازم يعدي عليهم كل جمعة يقرالهم الفاتحة و يوزع الصدقات رحمة و نور عليهم ..

لحد ما الفاطميين راحوا في الوبا ..

4

و معاهم اتنهبت الكنوز و البلاوي اللي كانت في تربة الزعفران .. و التربة بقت مقبرة عادية جدا للفاطميين .. و استمرت على الحال ده 200 سنة .. لغاية ما ظهر الأمير جهاركس الخليلي .. أعظم أمراء السلطان برقوق ..

اللي بيلعب طاولة يعرف إن (جهار) معناها أربعة ..

5