ليه الجاهل مفكر نفسه علَّامة وبيحب يفتي؟!

تابع الثريد? https://t.co/Am5ZhNLCqp

وأنت رايح كليتك أو شغلك الصبح معدي ع القهوة لقيتهم بيتناقشوا في نتايج وتأثير خروج بريطانيا من الاتحاد الأوروبي..وكله بيدلي بدلوه ومحدش فيهم دارس أو قاري سياسة..ومع ذلك تلاقيه بيقاوح ويحاول يقنعك بنفسه..هو ده

The Dunning-Kruger Effect

أو ما يعرف بتأثير دانينج كروجر.. https://t.co/tVvzn7ewK6

تأثير دانينج كروجر عبارة عن تحيز معرفي واللي فيه الناس بيبالغوا خطأً في تقدير نفسهم وقدراتهم ومعرفتهم ف مجال معين وده بسبب إن نقص الوعي بالذات عندهم بيمنعهم من تقييم مهاراتهم بشكل صحيح.

الباحثين ارجعوا التأثير ده لمصطلح اسمه metacognition أو إدراك الإدراك واللي معناه قدرة الفرد على تحليل أفكاره وأدائه

وإن الأفراد اللي عندهم قصور ف المعرفة بيعانوا من"العبء الثنائي Dual Burden"

أو اللي بيسموه"اللعنة المزدوجة Double Curse"

لأنهم مش بس مبيأدوش كويس..لا

دول معندهمش وعي كافي بالذات لتقييم نفسهم بشكل صحيح..فمبيتعلموش ولا بينموا مهاراتهم.

مبدأ تأثير دانينج كروجر ظهر للنور بعدما نشر عالما علم النفس دافيد دانينج وجاستن كروجر ورقة بحثية من جامعة كورنيل عام ١٩٩٩م..

وفيها اختبروا مشاركين من الطلبة في حس الفكاهة..المنطق..القواعد.. https://t.co/3OYWbOPxrN