امس لقيت مقال من هارفارد عن انه الاستحمام اليومي مضر للصحة وانه ما مفترض نعمل كدا لي عدة أسباب. ولكن قبل ما أفكر اجي وريكم كلام زي دا في السودان وعلى قول الشباب احنا ما ناقصين? كان لازم امشي ابحت زيادة في الموضوع عشان اقدر اطلع بي توصيات تناسب بيئتنا وشعبنا الجميل الفواح دا❤️ https://t.co/knazJbadIB

أولا شنو بخلي الحمام اليومي يكون مضر؟

-لمن نستحم كتير بنتخلص من المرطبات الطبيعية البتطلعها لينا البشرة عشان تمنع جفاف الجلد ودا ممكن يسبب لينا أمراض جلدية. نفس الشي مع الراش والشعر.

• البشرة الجافة والمتشققة بتكون ساهلة للباكتيريا انها تخترقها وتخترق دفاعنا المناعي الأول.

- احنا في جسمنا عندنا نوعين من الباكتيريا: جيدة وضارة. الاتنين عايشين في توازن, لو قلت البكتيريا الجيدة ممكن يجي بدالها ضارة. وإستخدام صابون مضاد للباكتيريا يوميا بيقتل لينا الباكتيريا الكويسة والبتجي بدلها بتكون اسوأ وأقوى واكثر قدرة على مقاومة المضادات الحيوية.

-جهازنا المناعي بيحتاج لي نوع من الإستثارة المستمرة من الباكتيريا الموجودة في الجلد والعوامل الخارجية البتجينا من برة عشان يقدر يتعامل معاها ويكون مناعة عليها. عشان كدا دايما الاطفال بيقولو ليك خليهم يلعبوا في الطين والارض وغيره وما يستحموا كتير عشان هم بيكونوا في مناعتهم.

طيب التوصيات شنو؟ هل ما نستحم يعني؟

لا طبعا في اذا انت مشيت اتريضت واتوسخت او عايش في السودان لفحتك كتاحة مع حبة عرق وبقت عندك طبقة تانية من الجلد فلازم تستحم لمن ترجع. دا غير موضوع العرق والروائح.

لكن الفكرة انه اذا انت ما طلعت من البيت وما اتوسخت، ما تستحم عشان انت شايفه صحي.