الاستاذ @ahamdyos كتب تعبير lump sums أو turn key. والأستاذة @Riri_egy سألت يعني ايه التعبير ده؟

حبيت اكتب الثريد ده لشرح أنواع العقود.

مبدأيا العقود ٣ أنواع.

١- Remeasured

٢- lump sum

٣- Design and build.

نشرح ايه دول بقي.

الاول لازم نقول ان كل مشروع لازم يتعمل له دفتر كميات BOQ (Bill Of Quantities) و كمان دفتر مواصفات specifications وده نوعين:

أ- مواصفات عامة General Specifications زي مثلا نسب الخلطة لمونة المحارة

ب- مواصفات خاصة بالمشروع Particular Specification زي مواصفات الزجاج للنوافذ

يقوم استشاري المشروع بإعداد تلك المستندات السابقة كاملة وإعدادها للطرح في مناقصة Tender

النوع الاول في العقود وهو

١- Remeasured

يعني عقد يقوم فيه المقاول بتسعير كل بند في دفتر الكميات بغض النظر عن كميته. حيث سيتم إعادة القياس والحصر بعد إنتهاء المشروع ليتم محاسبة المقاول علي الكميات المنفذة فعليا، وليست الكميات التي تم طرح المشروع علي أساسها سواء زيادة أو نقصان.

النوع الثاني هو

٢- Lump Sum او بالمقطوعية

وفيه يقوم المقاول بتنفيذ المشروع نظير مبلغ مقطوع. يعني تنفذ ده بالمواصفات دي بكام؟

ودور المقاول هنا هو مراجعة كامل الكميات المعطاه له بدفتر الكميات وتصحيحها (إن وجد) وليس شرطا أن يكون العقد تسليم مفتاح يعني خالص مما جميعه.