متى عرفت ان صوتك يصلح للتعليق الصوتي؟
وكيف أعرف ان صوتي مناسب؟
?
صراحة ماتخيلت عدد المهتمين بهالمجال بس من كثر مايجيني هالسؤال قررت أجاوب عنه جواب كافي...
الشغف بالـ Voiceover بدأ عندي من كثر ماكان الوالد الله يطول بعمره يشغل إذاعة BBC المليئة بالأصوات القوية... يتبع ?
وللذكر هذا الثريد موب موجه لهواة التعليق الصوتي بس، وضروري اكتساب مهارة استغلال الصوت بأفضل شكل ممكن وتطبيبها في اجتماعات العمل أو تقديم البرزنتيشنز، خصوصًا أن الناس تنظر للمتحدث أو الملقي الجيد بأنه يتجاوز أقرانه اللي يملكون نفس الكمية من المعارف والخبرات..?
وجواب على السؤال الأول ماعرفت ان صوتي يصلح للتعليق ولا أحد في يوم قال لي صوتك يصلح، لكن من صغري والأصوات الإذاعية الرخيمة تلفتني أكثر من أصوات المغنين وكنت أحاول احاكيها باقصى درجة ممكنة، ومع الوقت اكتشفت ان الموضوع مايرجع لخامة الصوت ولكن الأداء وطريقة استغلال الصوت هو الأهم ?
مثلا قابلت ناس كثير أصواتهم أقل مايقال عنها انها ذهبية وأجمل حتى من الأصوات اللي نسمعها بس تلقاه مستحيل يضبط جملتين بلغة عربية سليمة حتى ولو كانت مُشكلة أو ممكن يأكل بعض الحروف أو يكون دايم على رتم واحد ماينقل بصوته روح النص ويوضح للمستمع انه جالس يقرأ من ورقة ?
وعشان كذا خامة الصوت يكفي انها تكون جيدة مب شرط تكون استثنائية، وللرجل كل ماكان الصوت أعمق كل ماكان أفضل وأهم شي مايكون فيه غنة قوية أما الأصوات النسائية واللي أشوف السوق محتاجها مهم مايكون طفولي او حاد لأنه بيعطي احساس افلام كرتون والأهم كيف يُستغل الصوت ?
